Noyabın 13-dən 15-dək Moskvada Azərbaycan-Rusiya sərhədinin demarkasiyası üzrə birgə komissiyanın 6-ci iclası keçirilib.
İclasda Azərbaycanla Rusiya arasında dövlət sərhədinin demarkasiyası prosesinin davam etdirilməsi ilə əlaqədar məsələlər müzakirə edilib, 2019-cü il üçün komissiyanın iş planı təsdiq olunub və iclasın protokolu imzalanıb.
Növbəti iclasın Azərbaycan ərazisində keçirilməsi nəzərdə tutulur. Bu barədə Azərbaycan Xarici İşlər Nazirliyinin mətbuat xidmətinin məlumatında deyilir.
2011-ci ildə Azərbaycan və Rusiya prezidentləri İlham Əliyev və Dmitri Medvedev Azərbaycan-Rusiya sərhədini təsdiqləyən müqavilə imzalayıb. Bundan sonra sərhədlərin demarkasiya məsələləri üzrə işlər başlayıb.
Rusiya ilə Azərbaycan arasında sərhədin uzunluğu 390 kilometrdir.
