“Demokratiya naminə İncəsənət” (Art for democracy) kampaniyası bu il keçiriləcək prezident seçkiləri ilə bağlı seçici fəallığının artırılması üçün başladığı fəaliyyət çərçivəsində “Bu məşhurlar seçkilərdə iştirak edəcək. Bəs SƏN?”adlı videorolik hazırlayıb.
Kampaniya bəyan edir ki, bu fəaliyyət hər hansı siyasi qüvvənin və ya siyasətçinin dəstəklənməsinə deyil, sırf seçici fəallığının artırılmasına və seçkilərin təşviq edilməsinə yönəlib.
“Demokratiya naminə İncəsənət” kampaniyası “İnsan Hüquqları Klubu” (İHK) və onun tərəfdaşları olan “Reportyorların Azadlıq və Təhlükəsizlik İnstitutu” (RATİ) və “Milli və Beynəlxalq Araşdırmalar Mərkəzi”nin (BMAM) birgə təşəbbüsüdür. İHK tərəfindən koordinasiya edilən kampaniyada hazırda 20-dən artıq QHT, incəsənət nümayəndəsi və jurnalistlər birləşib. Bu kampaniya özündən əvvəlki “Demokratiya naminə Musiqi” (Sing for democracy) kampaniyasının davamı olmaqla incəsənətin müxtəlif formaları vasitəsi ilə Azərbaycanda insan hüquqları və demokratik islahatları təşviq edir.
