Səidə Quluzadə iqtisadiyyat və hüquq sahəsində təhsil alıb, bir müddət elə bu sahələrdə çalışmasına baxmayaraq hazırda rəssamlıqla məşğuldur. Bundan əlavə o, fərqli sahələrdə fəaliyyət göstərən bir neçə şirkətə sahibdir. Rəfiqəsinə kömək etmək üçün yaratdığı online shopping səhifəsindən qazandığı az büdcə ilə öz biznesini qurub. Hazırda o suşi çatdırılma xidməti, təkərlər üzərində fəaliyyət göstərən mağaza və gecələr də fəaliyyət göstərən iki uşaq bağçasına sahibdir. Sahibkar olmağın bir sıra çətinliklərindən bəhs edən Səidə Quluzadə yaxınlarının ona verdiyi dəstəyin iş həyatında mühüm rol oynadığını vurğulayır.