Rusiya prezidenti Vladimir Putin Dağlıq Qarabağda təmas xəttində hərbi əməliyyatların bərpası barədə məlumatlardan narahatlığını bildirib. Bu barədə aprelin 2-də Rusiya prezidentinin mətbuat katibi Dmitri Peskov məlumat verib.
“Prezident Putin münaqişə tərəflərini dərhal atışmanı dayandırmağa və təmkinlik nümayiş etdirməyə çağırıb”, Peskov qeyd edib.
Onun sözlərinə görə, Rusiya lideri vəziyyətin yenidən silahlı qarşıdurmaya gətirib çıxarmasından təəssüfləndiyini bildirib.
“Son vaxtlar həm üçtərəfli (Rusiya, Ermənistan, Azərbaycan), həm də beynəlxalq səylər (Minsk Qrupunun həmsədrləri – Rusiya, Fransa, ABŞ –red.) üzrə sonda münaqişənin nizamlanmasına aparacaq bir sıra tədbirlər görülüb”, - Peskov vurğulayıb.
