Rusiya Suriyanı zorakılığa son qoymağa çağırıb

Rusiyanın Suriya üzrə xüsusi nümayəndəsi deyib ki, Moskva Suriyanın ölkədə həqiqi islahatlar həyata keçirməsini və zorakılığa son qoymasını istəyib. Mixayil Margelov bu açıqlamaları Rusiyanın paytaxtında Suriyadan sürgün edilmiş bir qrup fəalla görüşdükdən sonra verib. Fəallar Rusiyanı zorakılığa son qoymaq üçün Suriya prezidenti Bəşar əl-Əsədə təyziq göstərməyə çağırıb. Margelov Rusiyanın Suriyada vəziyyətlə bağlı dərin narahatlığını ifadə edib və Suriyada Liviyadakı kimi vətəndaş müharibəsinin başlanmasını istəmədiyini bildirib.