Rusiya prokurorları həbsxanada vəfat etmiş vəkil Serqey Maqnitskiyə qarşı milyonlarla dollar vergi saxtakarlığı ilə bağlı ittihama yenidən baxılmasına qərar verib. Rusiya Baş Prokurorluğu işə bu gündən etibarən baxılacağını bildirsə də, səbəbini açıqlamayıb.
Birləşmiş Ştatların Rusiyadakı İnvestisiya Fondunda işləyən Maqnitski polis rəsmilərini milyonlarla dollar mənimsəmək məqsədi ilə fondun sənədlərini oğurlamaqda ittiham edib. 2009-cu ildə həmin polis rəsmiləri Maqnitskini vergi saxtakarlığında günahlandıraraq həbs etmişdi. Səhhət problemləri ilə bir il həbsdə saxlanılan Maqnitski səhiyyə xidmətlərindən məhrum edilmişdi.
.
