İtaliya rəsmiləri Romadakı İsveçrə səfirliyində bağlamaya yerləşdirilmiş bombanın partlaması nəticəsində bir nəfərin yaralandığını bildirirlər. Rəsmilər partlayışın bu gün, bir nəfərin bağlamanı açmaq istədiyi vaxt baş verdiyini deyirlər. Ciddi xəsarət alan həmin şəxs xəstəxanaya aparılıb.
Partlayış çərşənbə günü Romada şübhəli bağlamanın tapılmasından sonra baş verib. İçərisində naqillər və toz şəklində material olan həmin bağlama nəqliyyat işçiləri tərəfindən metroda aşkar edilmişdi.