Quba şəhəri az qala simvoluna çevrilmiş alması ilə məşhurdur. Burada yetişdirilən 40-dan çox müxtəlif alma növü var. Elə buna görə də 2012-ci ildən başlayaraq hər il məhz Quba şəhərində ənənəvi alma bayramı keçirilir. Bir gün ərzində şəhərin mərkəzi küçəsində avtomobil hərəkəti tamamilə dayandırılıb insanların toplaşıb əylənməsi üçün ayrılır. Bayramda qubalılar almadan hazırladıqları müxtəlif növ performansları ilə çıxış edir. Dəvət olunmuş rəqqaslar müsafirləri əyləndirir. Fetsivala regionun digər şəhərlərindən də məhsullar gətirilir. Hesab olunur ki, alma bayramının keçirilməsi regionda meyvəçiliyin təbliğində xüsusi əhəmiyyət kəsb edir.