Roma Papası Fransis homoseksuallığı cinayət hesab edən qanunların "ədalətsiz" olduğunu deyərək, tənqid edib. O, Allahın bütün övladlarını olduğu kimi sevdiyini deyib və qanunları dəstəkləyən katolik yepiskopları LGBTQ insanları kilsələrə qəbul etməyə çağırıb.
Frensis çərşənbə axşamı Associated Press-ə müsahibəsi zamanı "Homoseksual olmaq cinayət deyil" deyib.
Fransis dünyanın bəzi yerlərində katolik yepiskopların homoseksuallığı cinayət hesab edən və ya LGBTQ icmasına qarşı ayrı-seçkilik qoyan qanunları dəstəklədiyini etiraf edib. Lakin o, bu cür münasibətləri mədəni mənşələrə aid edib və xüsusilə yepiskopların hər kəsin ləyaqətindən xəbərdar olmaq üçün dəyişiklik prosesindən keçməli olduğunu deyib.
Roma Oapası "Bu yepiskoplar dəyişiklik prosesindən keçməlidirlər" deyib və əlavə edib ki, "Allahın hər birimiz üçün etdiyi kimi lütfən, nəzakətli olun".
Bu cür qanunlara son qoyulmasına çalışan "The Human Dignity Trust" təşkilatı dünya miqyasında təxminən 67 ölkə və ya yurisdiksiyasının eynicinslilər arasında əlaqəni cinayət hesab etdiyini bildirib. Onlardan 11-i buna görə ölüm cəzasına məhkum edir. Mütəxəssislər deyirlər ki, qanunlar tətbiq olunmayan yerlərdə belə, LGBTQ insanlara qarşı təqib, damğalanma və zorakılıqlar həyata keçirilir.
2003-cü ildə Ali Məhkəmənin bunu konstitusiyaya zidd elan etməsinə baxmayaraq, ABŞ-ın 10-dan çox ştatında hələ də anti-sodomiya qanunları mövcuddur.
Homoseksualların hüquq müdafiəçiləri köhnə qanunlardan onları sıxışdırmaq üçün istifadə edildiyini deyirlər.
Onlar Florida ştatında LGBTQ insanlarını marginallaşdırmaq üçün davam edən səylərin sübutu kimi Floridada üçüncü sinfə qədər uşaq bağçasında cinsi oriyentasiya və gender kimliyinin tədrisini qadağan edən "Gey olduğunu söyləmə" qanunu kimi yeni qanunvericiliyə işarə edir.
Birləşmiş Millətlər Təşkilatı dəfələrlə homoseksuallığı açıq şəkildə cinayət hesab edən qanunlara son qoymağa çağırıb və bildirib ki, bu qanunlar şəxsi həyatın toxunulmazlığı və ayrı-seçkilikdən azad olmaq hüquqlarını pozur.
