Pakistan məhkəməsi keçmiş prezident Pərviz Müşərrəfə bəraət verib.
O, 2006-cı ildə Bəlucistan millətçilərinin lideri Əkbər Bugtinin qətlində ittiham olunurdu.
Məhkəmə Pərviz Müşərrəf və bu qətldə adları hallanan bütün şəxslərə bəraət qazandırıb.
Bu Müşərrəfin üzləşdiyi 3 məhkəmə işindən biridir.
Bəlucistan əyalətinin müstəqilliyi uğrunda mübarizə aparan Akbar Bugti 2006-cı ilin avqustunda keçirilən əməliyyat zamanı öldürülüb.
Müşərrəf həmin vaxt hakimiyyətdə idi.
Keçmiş prezident bundan başqa 2007-ci ildə keçmiş baş nazir Benazir Bhuttonun qətlində və həmin il Konstitusiyanın fəaliyyətini dayandıraraq ölkədə fövqəladə vəziyyət rejimi elan etməkdə ittiham olunur.
O, 2001-2008-ci illərdə Pakistan prezidenti olub.
