Dünyanın 196 ölkəsinin lideri bazar ertəsi Parisdə keçiriləcək “COP-21”, İqlim Dəyişikliyi sammitində bir araya gələcək. Yığıncağın səbəbi karbon qazı tullantılarının qarşısının alınması yolunda məcburi razılıq əldə edilməsidir.
“Dünyanın damı” kimi tanınan, dəniz səviyyəsindən 4 700 metr hündürlükdəki Tibet buzlaqları Asiyanın ən əhəmiyyətli çaylarının başlanğıcıdır. Lakin buzlar əriyir. Alimlərin dediyinə görə, 2050-ci ilədək həmin buzlaqların əriməsi Çin, Pakistan, Banqladeş və Butan kimi ölkələrdə yaşayan milyonlarla insanı təsirinə məruz qoyacaq.
Çinin Greenpeace təşkilatından Li Yan deyir ki, Tibet buzlaqlarının əriməsi iqlim dəyişikliyi barədə dünya dövlətləri başçılarına xəbərdarlıqdır.
Paris sammitinə toplaşan nümayəndə heyəti alimlərin temperaturu yüksəltdiyini dediyi karbon qazının tullantılarının azalması yolunda yeni razılıq əldə etməyə çalışacaq, Onlar bu əsrin sonunadək qlobal istiləşmənin selsi ilə 2 dərəcə azaldlmasına çalışacaq.
