Pakistan rəsmilərinin bildirdiyinə görə, bu gün ölkənin cənubundakı Heydərəbad şəhərində içərisində kimyəvi maddə olan yük maşınının partlaması nəticəsində 18 nəfər ölmüş, 40 nəfər isə yaralanmışdır. Rəsmilər hadisənin terror hücumu olduğuna inanmadıqlarını, partlayışa maşındakı kimyəvi maddənin səbəb olduğunu deyirlər.
Yük maşının saxlandığı anbarda partladığı və yaxınlıqdakı bir neçə dükanı sıradan çıxardığı bildirlir. Televiziya ilə xilasedici dəstənin partlayışın baş verdiyi ərazidə xəsarət alanları axtardıqları nümayiş etdirilib.