Pakistan rəsmiləri ölkə boyu həyata keçirilən "Narkotik maddələrin məhvi" tədbiri çərçivəsində Kəraçidə böyük miqdarda spirtli içki və narkotik maddə məhv edib.
İslamabad və Peşəvər də daxil edilməklə, böyük şəhərlərdə 134 min kq tiryək və heroin, o cümlədən çox sayda spirtli içki şüşələri yandırılıb və məhv edilib.
Özü böyük narkotik maddə problem yaşayan Pakistan Əfqanıstandan gələn heroinin dünyanın digər bölgələrinə nəqlində tranzit ölkə hesab edilir.
BMT-nin hesablamalarına görə, Pakistanda 5 milyona yaxın heroin istifadəçisi var.