ABŞ prezidenti cümə günü Konqres liderləri ilə qanunvericilik planlarını müzakirə etməlidir. Barak Obma bildirib ki, bunlardan biri ABŞ-ın başçılıq etdiyi koalisya qüvvələrinin İraq və Suriyada İŞİD-ə qarşı hava hücumları ilə bağlıdır.
Obama ilk dəfə sentyabr ayında hava kampaniyalarına start verərkən sabiq prezident Con Buşun 2001-ci il terror aksiyalarından sonra Əl-Qaidəyə qarşı kampaniya səlahiyyətindən istifadə etmişdi.
ABŞ dövlət başçısı bu səlahiyyətin təzələnməsi vaxtı çatdığını bildirib. O, ABŞ qüvvələrinin həm Ağ Ev, həm də Konqresin dəstəyinə ehyacı olduğunu vurğulayıb.
Barak Obma deyib ki, dünya bizim bu səylər arxasında birgə durduğumuzu, hərbi qulluqçularımız isə birgə dəstəyə malik olduqlarını bilməlidir.
