ABŞ dövlət katibi Hillari Klinton Obama administrasiyasının Misirin Müsəlman qardaşlığı qrupu ilə məhdud əlaqə saxlayacağını bildirib. Bu gün Budapeştdə danışan xanım Klinton deyib ki, Vaşiqnton Misirin qeyri-zorakı siyasətçiləri ilə təmasa maraqlıdır. Bu islamçı hərəkat bu yaxınlarda 17 siyasi partiya ilə parlament seçkilərinə hazırlıq məqsədi ilə yeni platforma təsis edib. Parlament seçkiləri sentyabr ayına təyin edilib. Misirin ən təşkilatlı siyasi hərəkatı Müsəlman qardaşlığının sabiq prezident Hüsnü Mübarəkin hakimiyyəti dövründə fəaliyyəti qadağan edilmişdi.
