Netanyahu: İran nüvə silahı yaradılması üzərində işi davam etdirir

İsrailin baş naziri Benyamin Netanyahu İranın nüvə proqramı ilə bağlı bəyanatla çıxış edib.

İsrail liderinin qeyd etdiyinə görə, İran uzun illərdir beynəlxalq ictimaiyyətdən gizli nüvə tədqiqatlarını apardığını gizlədir.

“İran yalan söyləyib”, Netanyahu bildirib.

“İsraildə İranın məxfi faylları var. İsrail İranın nüvə axrivlərinin dəqiq surətlərinə malikdir”, o aydınlaşdırıb.

Netanyahunun sözlərinə görə, İran hökuməti nüvə proqramı ilə əlaqədar işləri gizli yeraltı obyektlərə köçürüb.

İsrailin baş naziri qeyd edib ki, İsrail bu kəşfiyyat məlumatlarını Birləşmiş Ştatlarla bölüşüb.

Netanyahu İsrail parlamentində çıxışını təxirə salıb və nazirlər kabinetinin fövqəladə iclasını keçirib.

Bundan öncə ABŞ prezidenti Donald Tramp və baş nazir Benyamin Netanyahu arasında telefon söhbəti olub.