Misirin hakim hərbi şurasının rəhbəri hakimiyyət başında uzun müddət qalmaq istəmədiyini bildirib

Misirin hakim hərbi şurasının rəhbəri hakimiyyət başında uzun müddət qalmaq istəmədiyini bildirib. Misirin dövlət mediası Hüseyn Tantaviyə istinadən bildirib ki, şura xalqın tələbi yerinə yetirilənədək hakimiyyətdə qalacaq. Şura fevral ayından, prezident Hüsnü Mübarəkin devrilməsindən sonra ölkəni idarə edir. ABŞ rəsmiləri Misirdə fövqəladə vəziyyətin ləğvinə və hakimiyyətin dünyəvi sistemə keçidinin təmin edilməsinə çağırıb. Misirdə parlament seçkiləri noyabr ayının sonunda keçirilməlidir. Prezident seçkiləri isə gələn ilin sonuna planlaşdırılıb.