Azərbaycan xarici işlər naziri Elmar Məmmədyarov Nyu-Yorkda BMT Baş Assambleyasının 67-ci sessiyası çərçivəsində ATƏT-in Minsk Qrupunun həmsədrləri ilə görüşüb.
Azərbaycan Xarici İşlər Nazirliyinin mətbuat xidmətinin məlumatına görə, görüş zamanı Ermənistan silahlı qüvvələrini hələ də Azərbaycanın işğal olunmuş ərazilərindən çıxarmayan rəsmi Yerevanın günahı üzündən yaranmış durğun vəziyyət müzakirə olunub.
E.Məmmədyarovun sözlərinə görə, Ermənistan hər vəchlə və müxtəlif bəhanələrlə status-kvo-nu saxlamağa çalışır.
O qeyd edib ki, nə qədər ki, Ermənistan silahlı qüvvələri Azərbaycanın işğal olunmuş ərazilərindədir regionda sülh, təhlükəsizlik və sabitlik təhlükə altındadır.
ATƏT-in Minsk Qrupunun həmsədrləri həmçinin Nyu-Yorkda Ermənistan xarici işlər naziri Edvard Nalbandyanla görüşüb.
Həmsdərlər görüşlərinin nəticələri ilə bağlı yaydığı bəyanatda deyilir ki, ATƏT-in Minsk qrupunun həmsədrləri son aylarda Dağlıq Qarabağ münaqişəsi üzrə danışıqlarda hiss olunan irəliləyişin olmamasıdan narahatlıq ifadə edir.
Həmsədrlər Robert Bradtke (ABŞ), İqor Popov (Rusiya), Jak For (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspşik Nyu-Yorkda Ermənistanın xarici işlər naziri Edvard Nalbandyanla, Azərbaycanın xarici işlər naziri Elmar Məmmədyarovla görüşüb.
Həmsədrlər nazirlərlə görüşlərində regionda son hadisələri müzakirə edib və tərəfləri Dağlıq Qarabağ münaqişəsinin mahiyyətinə qayıtmağa çağırıb. Nazirlər münaqişənin sülh yolu ilə həll olunması üzrə danışıqlar prosesinin davam etdirilməsinə hazır olduqlarını söyləyiblər.
Azərbaycan Xarici İşlər Nazirliyinin mətbuat xidmətinin məlumatına görə, görüş zamanı Ermənistan silahlı qüvvələrini hələ də Azərbaycanın işğal olunmuş ərazilərindən çıxarmayan rəsmi Yerevanın günahı üzündən yaranmış durğun vəziyyət müzakirə olunub.
E.Məmmədyarovun sözlərinə görə, Ermənistan hər vəchlə və müxtəlif bəhanələrlə status-kvo-nu saxlamağa çalışır.
O qeyd edib ki, nə qədər ki, Ermənistan silahlı qüvvələri Azərbaycanın işğal olunmuş ərazilərindədir regionda sülh, təhlükəsizlik və sabitlik təhlükə altındadır.
ATƏT-in Minsk Qrupunun həmsədrləri həmçinin Nyu-Yorkda Ermənistan xarici işlər naziri Edvard Nalbandyanla görüşüb.
Həmsdərlər görüşlərinin nəticələri ilə bağlı yaydığı bəyanatda deyilir ki, ATƏT-in Minsk qrupunun həmsədrləri son aylarda Dağlıq Qarabağ münaqişəsi üzrə danışıqlarda hiss olunan irəliləyişin olmamasıdan narahatlıq ifadə edir.
Həmsədrlər Robert Bradtke (ABŞ), İqor Popov (Rusiya), Jak For (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspşik Nyu-Yorkda Ermənistanın xarici işlər naziri Edvard Nalbandyanla, Azərbaycanın xarici işlər naziri Elmar Məmmədyarovla görüşüb.
Həmsədrlər nazirlərlə görüşlərində regionda son hadisələri müzakirə edib və tərəfləri Dağlıq Qarabağ münaqişəsinin mahiyyətinə qayıtmağa çağırıb. Nazirlər münaqişənin sülh yolu ilə həll olunması üzrə danışıqlar prosesinin davam etdirilməsinə hazır olduqlarını söyləyiblər.
