Oktyabr ayının 19-dan Bakı metropoliteninin fəaliyyətini dayandırması səbəbindən avtobus dayanacaqlarında sıxlıq müşahidə olunur. Bakı sakinləri deyir ki, avtobuslar arasındakı intervalın az olması sıxlığı yaradan başlıca səbəbdir. Nazirlər Kabineti yanında Operativ Qərargah metronun fəaliyyətini dayandırmasına səbəb kimi koronavirus (COVID-19) infeksiyasına yoluxma hallarında kəskin artım müşahidə olunmasını göstərir. Nazirlər Kabineti yanında Operativ Qərargahın məlumatına əsasən, Bakı Metropoliteni öz fəaliyyətini 28 dekabr, 2020-ci il tarixinədək dayandırıb.