Bu ayın əvvəllərində Liviyada itkin düşən braziliyalı jurnalist həbsxanadan azad edilib. Lakin onunla birlikdə Liviyaya gedən Londonun The Guardian qəzetinin müxbirinin taleyi bəlli deyil. Sərhədsiz reportyorlar təşkilatının bugünkü açılamasına görə, Liviyanın səlahiyyətli nümayəndələri Netto və The Guardian-ın müxbiri Qayt Əbdul Əhədi ötən şənbə günü Zaviya şəhəri yaxınlığında həbs edib. Estado de S.Paulo-nun müxbiri Nettonun sağlamlıq durumunun normal olduğu bildirilir. BBC bazar ertəsi günü 3 işçisinin nəzarət altına alındığıını xəbər verir. BMT-inin İnsan Hüquqları Agentliyi jurnalistlərin həbsini qınayaraq, onların işgəncələrə məruz qaldığını bəyan edib.
Liviyada itkin düşən braziliyalı jurnalist həbsxanadan azad edilib
