Amina Mazqarova Kubaçi sənəti ilə məşğul olur. O deyir ki, Memarlıq və İnşaat Universitetində təhsil alması sənətinə təkan verib. "2014-ci ildə birinci kursda oxuyarkən, əcdadlarımızın sənətinə heyranlığım məndə Kubaçi sənətinə maraq oyatdı. Bu sənətlə biz nəsillikcə məşğul olmuşuq, lakin dəqiq yaranma tarixi məlum deyil. Ola bilsin bu tarix babam və ulu babalarımdan yaranıb. Ümid edirəm ki, mən nə vaxtsa bu sirri öyrənə biləcəm. Kubaçi kəndində hər bir ailənin sanki bir zərgər yetişdirmək borcu vardı. Hazırkı gənclər isə müxtəlif sahələrə yönəlirlər," o deyir. Kubaçi kəndi Dağıstan Respublikasının Dahadayev rayonunda yerləşir.