Keniya Dadaab qaçqın düşərgəsini bağlamağa hazırlaşır. Bu düşərgədə 350 min Somali qaçqını yaşayır.
Daxili işlər naziri Cozef Nkaisseri deyib ki, islamçı Əl-Şəbab qrupu tərəfindən bir neçə hücuma məruz qalandan sonra Keniya düşərgənin bağlanma planın həyata keçirmək üçün işçi qrupu yaradıb.
ABŞ dövlət katibi Con Kerri qaçqınların zorla repatriasiya edilmə ehtimalı ilə bağlı narahatlığını bildirib.
Keniya höküməti isə bu qərarının qaçqınlara ziyan vuracağını etiraf edib və beynəlxalq ictimiayyəti onlara yardım səylərini artırmağa çağırıb.
