Yaponiya nüvə radiasiyasının yayılması təhlükəsinə görə ölkədə daha bir ərazidə mal əti təchizatına qadağa qoyub. Nazirlər kabinetinin katibi Yukio Edano müxbirlərə deyib ki, hökumət qadağanı ölkənin mal əti istehsal edən beşinci ən böyük prefekturası olan İvateyə şamil edib. Keçən ay Miyaqi və Fukuşima yaxınlığındakı prefekturalardan mal əti təchizatına qadağa qoyulmuşdu. Fukuşima nüvə elektrik stansiyasından radiasiyas Yaponiyanın ərzaq təchizatı üçün böyük təhlükə yaradır.
