Bakıdakı "Hacı Cavad" məscidinin keçmiş axundu, şiə ilahiyatçı Əhliman Rüstəmov sərbəst buraxılıb. Bu barədə onun yaxınları məlumat veriblər.
Rüstəmov Dövlət Təhlükəsizliyi Xidmətində bir neçə saat dindirilib. Dindirilmənin təfərrüatları açıqlanmır.
Son günlər bir neçə şiə ilahiyyatçı qısamüddətli həbslərə məruz qalıb.
Bununla yanaşı, "Azərbaycanın din xadimləri" birliyinin üzvü və maide.az saytının baş redaktoru Sərdar Babayevə Azərbaycan Cinayət Məcəlləsinin 274-cü maddəsilə (dövlətə xəyanət) ittiham irəli sürülüb.
Yerli müşahidəçilər dindarların saxlanmasını son zamanlar Azərbaycanla İran arasında münasibətlərin gərginləşməsilə izah edir.
