İsrail may ayında Qəzzaya yardım daşıyan gəmiyə insan ölümülə nəticələnmiş reydin BMT tərəfindən aprılan təhqiqatda iştirak etməyə razılıq verib. İsrail indiyə qədər insidentlə bağlı müstəqil beynəlxalq təhqiqatın aparılması çağırışlarını rədd edirdi.
BMT-nin Baş katibi Ban Ki Mun dörd nəfərdən ibarət heyətin reydlə bağlı təhqiqat aparacağını elan edib.
May ayında reyd zamanı İsrail komandosları fələstin tərəfdarı səkkiz türk fəalı və bir amerikalı türkü qətlə yetirmişdi. Flotiliya Həmasın nəzatərində olan Qəzzanın İsrail tərəfindən blokadasını yarmağa çalışırdı.