Bayden administrasiyasının İsrailin məskunlaşmanın genişləndirilməsinə dair son addımlarını kəskin şəkildə pislədiyi bir vaxt Fələstinin səhiyyə rəsmiləri bazar ertəsi səhər saatlarında İsrail ordusunun İordan çayının Qərb sahilindəki qaçqın düşərgəsində keçirdiyi reyd zamanı üç fələstinlinin öldürüldüyünü bildirib.
Fələstin Səhiyyə Nazirliyinin dediyinə görə, üç nəfər Nablus şəhəri yaxınlığındakı Balata qaçqın düşərgəsində keçirilən reyd zamanı öldürülüb. Nazirlik bildirib ki, biri ağır olmaqla, 6 nəfər yaralanıb.
Ordu daha sonra əsgərlərin Balataya basqın etdiyini, əsgərlərin atəşə tutulduğunu və üç fələstinlinin öldürdüyünü təsdiq edib. Ordunun bildirdiyinə görə, düşərgədə daha üç nəfər həbs edilib.
İsrail son bir il ərzində Fələstinin təkrarlanan hücumlarına cavab olaraq, reydlərini artırıb. Ordu bazar ertəsi silah və partlayıcı qurğular aşkar edilən bir evdə əməliyyat həyata keçirildiyini və evin partladıldığını bildirib.
Bu arada, Bayden administrasiyası bazar günü İsraili İordan çayının Qərb sahilinin şimalında əvvəllər boşaldılmış Homeş məntəqəsində məskunlaşmanı bərpa etmək qərarını kəskin tənqid edən bəyanatla çıxış edib.
İsrail hökuməti mart ayında 2005-ci ildə İordan çayının Qərb sahilində dörd yaşayış məntəqəsinin sökülməsi ilə bağlı qərarı ləğv edib. Keçən həftənin sonunda İsrail ordusunun generalı İordan çayının Qərb sahilindəki Homeşin yerli mühacirlər regional şurası ilə birləşdirilməsi barədə əmr imzalayib ki, bu, məntəqənin yenidən qurulmasına yol açan bir addımdır.
ABŞ Dövlət Departamentinin sözçüsü Metyu Miller İsrailin işğal olunmuş ərazilərdəki məntəqə ilə bağlı qeyri-qanuni siyasətinin ABŞ-ı "dərindən narahat etdiyini" deyib.
