İranın nazir müavini qətlə yetirlib

İranın sənaye, mədənlər və ticarət nazirinin parlament məsələləri üzrə müavini Səfdər Rəhmətabadi qətlə yetirilib.

İranın İRNA agentliyinin məlumatına görə o, noyabrın 10-da Tehranda öz avtomobilində güllələnib.

Naməlum şəxsin onun baş və sinəsinə atəş açdığı bildirilir.

Hadisənin motivləri barədə məlumat verilməyib.

"Dəlillər göstərir ki, atəş açmaqdan əvvəl, qatil Rəhmətabadi ilə avtomobildə söhbət edib", -polis zabiti deyib.

Faktla bağlı araşdırma aparılır.