Ziyarətgahları ilə məşhur olan İranın mühafizəkar şəhəri Məşhədin mərkəzində bir gənc qadın avtomobilin üstünə çıxıb. O, baş örtüyünü açır və "Diktatora ölüm!" deyə, qışqırır. Yaxınlıqdakı etirazçılar da ona qoşulub, maşınlar siqnallarla dəstək verib.
Məşhəddə böyüyən Fatimə Şəms deyir ki, bir çox iranlı qadın üçün bu, on il əvvəl ağlasığmaz bir görüntü olardı.
"Məşhəd qadınlarının küçələrə gələrək çadralarını açıq şəkildə yandırdıqlarını görmək həqiqətən də inqilabi dəyişiklikdir. İran qadınları örtülü cəmiyyətə və məcburi örtüyə son qoyur" - deyə, o bildirib.
İranda ötən illər ərzində bir çox etiraz aksiyaları baş verib və onların əksəriyyəti iqtisadi çətinliklərə görə qəzəbdən qaynaqlanıb. Lakin yeni dalğa İranın din xadiminin rəhbərlik etdiyi dövlətdə bir şeyə - məcburi örtüyə qarşı qəzəbi nümayiş etdirir.
İran İslam Respublikası qadınlardan ictimai yerlərdə örtülü olmalarını, eləcə də saçları tamamilə gizlətməli olan "hicab" və ya baş örtüyündən istifadə etmələrini tələb edir. Əsasən də böyük şəhərlərdə olmaqla, bir çox iranlı qadın uzun müddətdir ki, gənc qadınlar hakimiyyət orqanları ilə "siçan-pişik" oyunu oynayaraq, mühafizəkar geyimin sərhədlərini aşan açıq şərflər və geyimlər geyinir.
Bu oyun faciə ilə bitmiş oldu. 22 yaşlı Məhsa Əmini adlı qadın paytaxt Tehranda Əxlaq Polisi tərəfindən həbs edilib və həbsdə olarkən ölüb. Onun ölümü İranın bütün vilayətlərinə yayılıb və tələbələr, orta səviyyəli mütəxəssislər, işçi sinifi, kişi və qadınları küçələrə çıxaran təxminən iki həftəlik geniş iğtişaşlara səbəb olub.
İran dövlət televiziyası azı 41 etirazçı və polisin öldürüldüyünü bildirib. Associated Press xəbər agentliyinin rəsmi açıqlamalara istinadən bildirdiyinə görə, azı 13 nəfər ölüb, 1400-dən çox nümayişçi həbs edilib.
