İranın Aftab qəzetinin verdiyi məlumata görə, ölkənin ilk nüvə elektrik stansiyası əvvəlcədən planlaşdırıldığı kimi bu ayın əvvəli işə düşməyəcək. Qəzet yazır ki, İran qanunvericiləri bunun məuliyyərini Rusiyanın enerji şirkəti Rosatomun üzərinə atır. Aftab qəzeti İran qanunvericisi Əsgər Calaliyana istinadən xəbər verib ki, Rusiyanın dövlətə məxsus enerji şirkəti Rosatom Buşehr stansiyasının inşası ilə bağlı verdiyi öhdəliklərə əməl etməyib. İran rəsmiləri obyektin avqustun sonu işə düşməsini planlaşdırmışdı. Rosatom İran qanunvericilərinin iddialarını şərh etməyib.
