Şimali Koreya Cənubi Koreyanın Sarı Dəniz sərhədi yaxınlığında hərbi təlimlər keçirməsini sərt tənqid edib.
Şimali Koreya dövlət mediası ölkənin ali hərbi komandirinə istinad edərək yeni təlimlərin siyasi və hərbi təxribat olduğunu bəyan edib. Komandir Seulu ərazi bütövlüyü pozulduğu halda “atəş dənizi” ilə hədələyib.
Dünənki təlimlərə hərbi təyyarələr, raket qurğuları, ağır artilleriya cəlb olunub. Təlimlər "cəbhə xətti adası" kimi tanınan mübahisəli Baenqnyeonq adasında keçirilib.
