İran Donald Trampın 2015 nüvə razılığı altında aradan qaldırılan sanksiyaları yenidən tətbiq etmək qərarına görə ABŞ-a qarşı Beynəlxalq Ədalət Məhkəməsində iddia qaldırıb.
Çərşənbə axşamı məhkəmənin verdiyi bəyanatda bildirilir ki, İran məhkəməni Birləşmiş Ştatlara sanksiyaları aradan qaldırmağa dair göstəriş verməyə çağırır.
İranın xarici işlər naziri Məhəmməd Cavad deyib ki, ABŞ diplomatiya və hüquqi öhdəliklərini yerinə yetirməsə də, İran qanunun aliliyinə sadiqdir.
İran sanksiyaların 1955-ci ildə İran şahı dövründə imzalanan Dostluq və İqtisadi Münasibətlər adlı razılığa zidd olduğunu deyib.
ABŞ Dövlət Departamentinin sözçüsü Reuters-ə İranın iddiasının əsassız olduğunu bildirib.
