Devrilmiş Misir prezidenti Hüsni Mübarəkin Qahirədəki məhkəməsi bu gün öz işini davam etdirib.
Cənab Mübarək aprel ayında həbs olunduqdan bəri saxlanıldığı hospitaldan birbaşa məhkəmə zalına gətirilib.
O, fevral ayında devrilməsi ilə nəticələnən nümayişlər əsnasında 800 etirazçının ölümünə bais olmaqda günahlandırılır.
Məhkəmədə korrupsiya ittihamları ilə habelə Misirin sabiq daxili işlər naziri, Mübarəkin iki oğlu və altı başqa təhlükəsizlik zabiti üzləşirlər.
