Dünya boyu koronavirusun yeni və daha yoluxucu omikron variantı sürətlə yayılmaqda davam edir. ABŞ-da gündəlik yüz minlərlə yoluxma halının qeydə alındığı bildirilir. Mütəxəssislər Cənubi Afrika və Britaniyada aparılmış tədiqatların nəticələri omikron variantının daha yoluxucu olmasına baxmayaraq, xəstəxanaya yerləşdirilmə və daha ağır xəstələnmə ehtimalının daha aşağı olduğunu göstərir. Vaşinqtonda Hovard Universitetinin Endokrinologiya şöbəsində həkim Aytən Məmmədova Amerikanın Səsinə müsahibədə omikron variantının xüsusiyyətləri, sürətlə yayılmanın yaratdığı risklər, vaksinlər və busterlərin effektivliyi haqda danışıb.