Budapeşt gəncləri Fridays for Future - Gələcək üçün Cümələr hərəkatına qoşulub, iqlim dəyişikliyi probleminə diqqət çəkmək üçün mart ayının sonuncu cümə günü şəhər mərkəzində yürüyüş edərək, parlament binasının önünə toplaşıblar. Həmin gün ərzində 100-dən çox ölkədə həyata keçirilən iqlim dəyişikliyi yürüşünə fərqli şəhərlərdən minlərlə gənc dəstək verib.
Gələcək üçün Cümələr hərəkatı 2018-ci ildə İsveçdə, məktəbli bir şagird olan Qreta Tunberqin başlatdığı etiraz hərəkatıdır. O, İsveçdəki meşə yanğınlarından sonra 2018-ci il 9 sentyabrda keçirilən İsveç ümumi seçkilərinə qədər məktəbə getməmək qərarı vermişdi. Tunberq hər gün məktəb saatlarında parlamentin qarşısında oturaraq, üzərində "İqlim üçün məktəb tətili" yazılmış lövhə ilə etiraz aksiyası keçirirdi. Onun tələbləri arasında İsveç hökumətinin Paris Sazişinə uyğun olaraq karbon emissiyalarını azaltması da var idi. Sentyabrın 7-də ümumi seçkilərdən bir qədər əvvəl o, İsveç Paris Sazişinə qoşulana qədər hər cümə günü tətilini davam etdirəcəyini açıqlamışdı. Bununla o hamının diqqətini cəlb edən "FridaysForFuture" şüarını yaramış və bütün dünyadakı gəncləri bu məktəb tətillərində iştirak etməyə ruhlandırmışdı.
Budapeştdə toplaşan gənclər Macarıstan hökümətinin yaşıllıq ərazilərdəki ağacları məhv etməsi və yeni tikililər inşa etməsi ilə bağlı şikayətlər edir, yaxınlaşan parlament seçkilərində hansı partiyanın qalib gəlməsindən asılı olmayaraq, emissiyaların azaldılması, təmiz hava və məsuliyyətli mühafizənin macar seçiciləri üçün əsas prioritet olduğunu göstərməyə çalışırlar.
Bu cümə günü Budapeştlə yanaşı, Berlin, Paris, Brüssel və London kimi böyük şəhərlərdə də gənclər bir araya toplaşaraq, hökümətlərin diqqətini iqlim dəyişikliyi probleminə çəkməyə çalışıblar.
Budapeştdə "Fridays for Future" - Gələcək üçün Cümələr hərəkatı
Budapeşt gəncləri Fridays for Future - Gələcək üçün Cümələr hərəkatına qoşulub, iqlim dəyişikliyi probleminə diqqət çəkmək üçün mart ayının sonuncu cümə günü şəhər mərkəzində yürüyüş edərək, parlament binasının önünə toplaşıblar. Həmin gün ərzində 100-dən çox ölkədə həyata keçirilən iqlim dəyişikliyi yürüşünə fərqli şəhərlərdən minlərlə gənc dəstək verib.
Episodes
-
Oktyabr 23, 2024
Kritik ştatlar: Viskonsinin 2024-cü il seçkisində əhəmiyyəti
-
Oktyabr 23, 2024
Şərqi Qüdsdə yaşayan yüzlərlə fələstinli köçürülmə qorxusu yaşayır
-
Oktyabr 23, 2024
Astaranın Burzubənd kəndinin qaz problemi
-
Oktyabr 23, 2024
Vəkil: Məhkəmə tərkibi Teymur Kərimova qarşı qərəzlidir