Bu ilin noyabrında Əfqanıstana qeyri-hərbi sahədə yardımlar göstərilməsi ilə əlaqədar tədbirlər çərçivəsində Azərbaycan MTN-in Akademiyasında Əfqanıstanın bir qrup yüksək rütbəli təhlükəsizlik zabiti üçün “Müasir dövrdə terror təhdidləri və onlara qarşı mübarizə” mövzusunda iki həftəlik tədris kursları təşkil edilib.
MTN-in ictimaiyyətlə əlaqələr mərkəzinin məlumatına görə, təlim prosesində Akademiyanın professor-müəllim heyəti və milli təhlükəsizlik orqanlarının təcrübəli əməkdaşları tərəfindən mühazirələr oxunub və praktiki məşğələlər keçirilib.
Sonda Əfqanıstanın təhlükəsizlik zabitlərinə təlim-tədris kurslarını müvəffəqiyyətlə bitirmələri barədə müvafiq sertifikatlar təqdim olunub.