Əfqanıstanda yolkənarı partlayış 11 nəfərin ölümünə səbəb olub

Əfqanıstan rəsmiləri Taliban döyüşçülərini mülkü vətəndaşları öldürməməyə çağırdıqdan bir neçə gün sonra ölkənin şimal-qərbində yolkənarı partlayışın azı 11 nəfəri öldürdüyünü bildirib. Əfqanıstanın Daxili İşlər Nazirliyi dünən Badqis vilayətində polis avtomobilinin yaxınlığında bomba partlaması nəticəsində iki polis zabiti və bir ailənin doqquz üzvünün həlak olduğunu bildirib. Rəsmilərin sözlərinə görə hadisə polis avtomobil karvanı şəhərə getmək istəyən bir ailəni götürmək üçün avtomobili dayandıran anda baş verib.