Əfqanıstanda seçki rəsmiləri ölkədə sentyabrda keşçirilmiş parlament seçkilərinin bir əyalət istisna olmaqla yekun nəticələrini açıqlayıblar. Müstəqil Seçki Komissiyası elan edib ki, qaynar Qəzni vilayətində problemlər üzündən nəticələr tam müəyyən edilməyib. 18 sentyabr səsverməsinin nəticələri ilkin olaraq oktyabrda açıqlanmalı idi, lakin minlərlə saxtakarlıq ittihamları səbəbilə aparılan təhqiqatlar işi ləngitdi. Komissiya əlavə 3 namizədin qələbəsini ləğv edərək, qələbələri ləğv olunan namizədlərin sayını 24-ə çatdırıb. İndiydək seçki rəsmiləri qeydə alınan 5.6 milyon səsin dörddə birini etibarsız elan edib.