BMT-nin insan hüquqları idarəsi Fil Dişi sahilində ölənlərin sayının artdığını bildirir. Ötən il keçirilən prezident seçkilərindən sonra baş qaldıran iğtişaşlar səbəbi ilə ölənlərin sayı 247 nəfərdir. BMT 3 kütləvi məzar barədə məlumat aldığını, lakin həmin bölgəyə səfər etməyə imkan olmadığını bildirir. Beynəlxalq ictimaiyyət noyabr ayı seçkilərində Fil Dişi sahilinin sabiq baş naziri Alassane Quattaranın qələbəsini tanısa da, prezident Laurent Qbaqbo istefa verməkdən imtina edir.
