Bütün Facebook iştirakçıları bundan sonra görüntülü söhbət-video çatdan istifadə edə biləcəklər. Bu haqda çərşənbə günü Assosiated Press agentliyi Facebooka istinadla xəbər yayıb.
Bununçün istifadəçilərə sadəcə web kamera lazım olacaq. Facebook özünün indiyə qədər olan çat xidmətinin dizaynını da dəyişəcək. Çatda kiçik mavi düyməni basmaq videoçatı aktivləşdirmək üçün kifayət edəcək. Videoçatda bir neçə nəfərlə eyni vaxtda danışmaq, qrup zənglər etmək mümkün olacaq. Bu xidmət Skype internet telefon xidmətinin əməkdaşlığı ilə gerçəkləşir.
