Azərbaycanda elan olunan karantin rejimi ilə əlaqədar 65 yaşından yuxarı tənha yaşayan şəxslər və bir qrup ailələr maddi çətinlikə üzləşib. Bu məsələyə laqeyd qalmayan bir qrup gənc "Evdə Qal Biganə Qalma" adlı könüllü yardım aksiyası təşkil edib. Yardımlar isə anbardan maşınlara yığılıb, ailələrə göndərilir. "Biganə Qalma" komandası artıq 1500-dən çox ailəyə yardım əlini uzadıb. Aksiyası hələ davam etməkdədir. İanə verərək aksiyaya dəstək olmaq istəyənlər, "Biganə Qalma" könüllü komandasının sosial şəbəkələrdə hesablarına müraciət edə bilər. Qeyd edək ki, ölkədə xüsusi karantin rejimi aprel ayının 20-dək davam edəcək və Operativ Gərargahın yaydığı məlumata görə gedişhatdan asılı olaraq, karantinin müddəti uzadıla bilər.