Avropa İttifaqının xarici siyasət şöbəsinin rəhbəri Cosep Borrell bildirib ki, Avropa İttifaqı rəsmiləri almaz qadağası da daxil olmaqla Rusiyaya qarşı təklif edilən 12-ci sanksiyalar paketinin “son detallarını” yekunlaşdırır.
Borrell Avropa İttifaqının icraçısı olan Avropa Komissiyasının təklif olunan paketi çərşənbə günü təsdiq edə biləcəyini deyib. O daha sonra müzakirə və təsdiq üçün blokun 27 üzv ölkəsindən ibarət Aİ Şurasına göndəriləcək.
Rusiyanın 2022-ci ilin fevralında Ukraynaya hərbi müdaxiləsindən bəri Aİ Kremlin müharibəni maliyyələşdirmək imkanlarını azaltmaq üçün Moskvaya qarşı artıq 11 sanksiya paketini tətbiq edib. Sanksiyalar müxtəlif sektorları əhatə edir və 1800-ə yaxın fiziki və hüquqi şəxsə şamil olunub.
“Bu, on ikinci paketə... yeni ixrac qadağaları, o cümlədən... almazlar, Rusiyanın öz neftini - bizə deyil, başqalarına - satmasından əldə etdiyi gəliri azaltmaq üçün neftin qiymətini məhdudlaşdırmaq və yayınma ilə mübarizə tədbirləri daxildir,” Borrell Aİ xarici işlər nazirlərinin görüşündən sonra jurnalistlərə bildirib.
Aİ diplomatları keçən həftə Reuters agentliyinə bildiriblər ki, 27 üzvdən ibarət blok brilyant qadağasını irəlilətmək üçün Böyük Yeddilər qrupundan (G7) yaşıl işıq gözləyirdi. Avropa İttifaqının rəsmisi deyib ki, Avropa Komissiyasının daha sonra Aİ-nin 27 hökuməti tərəfindən müzakirə ediləcək paketə dair təklifi “gələn həftənin əvvəli”ndə gözlənilir.
“Biz bu paketin son detallarını yekunlaşdırırıq,” Borrel deyib.
Forum