Baskın separatist qrupu ETA atəşkəs elan edib. Bu gün “Gara” qəzetinin veb səhifəsində 3 maskalı şəxsin Bask dilində bəyanatla çıxış etdiyi nümayiş etdirilib. Bəyanatda silahlı əməliyyatların dayandırıldığı deyilir. Bəyanatı oxuyan şəxs deyib ki, ETA bir neçə ay bundan əvvəl silahları yerə qoyub, məqsədinə demokratik yolla nail olmaq qərarına gəlib.Lakin atəşkəsin daimi və ya müvəqqəti olduğu bəlli deyil. İspaniya hökuməti bəyana tamünasibət bildirməyib. ETA Avropa Birliyi və ABŞ tərəfindən terrorçu təşkilat hesab edilir.