Türkiyənin Baş Naziri Rəcəp Tayyib Ərdoğan Misir prezidenti Hüsnü Mübarəki xalqın tələblərini dinləməyə çağırıb. Baş nazir bu gün Türkiyə parlamentində çıxış edib. Bu arada, Birləşmiş Ştatlar cənab Mübarəkin yeni hökumətin yaradılması istiqamətində səylərini rədd edərək, bəyan edib ki, indi təyinatlar etmək vaxtı deyil, hərəkətə keçmək vaxtıdır. Ağ Ev rəsmilərinin bildirdiyinə görə, ABŞ hökuməti cənab Mübarəkin etirazçıların fövqəladə vəziyyətin ləğv edilməsi, qeyri-hökumət təşkilatlarının fəaliyyətinə imkan verilməsi və siyasi məhbusların azad edilməsi kimi tələblərini yerinə yetirməsinə çalışır.
Türkiyə baş naziri Hüsnü Mübarəki xalqın tələblərini dinləməyə çağırıb
- Amerikanın səsi
