Rusiyanın Dağıstan regionunda silahlı şəxslər tərəfindən həbsxana müdirinin müavini Maqomed Murtuzaliyev qətlə yetirilib. Rəsmilər onun qızı, qardaşı qızı və sürücüsü ilə birgə maşınında öldürüldüyünü bildirib. Hücum Mahaçqala yaxınlığında həyata keçirilib. Hücumun məsuliyyətini üzərinə alan olmayıb. Bundan bir gün əvvəl 3 maşına yerləşdirilmiş bomba hücumları 4 adamın ölümü, 60 nəfərin yaralanmasına səbəb olmuşdu.
