Azərbaycan Respublikası Müdafiə Nazirliyindən daxil olan məlumata görə, bu gün saat 08.30 radələrində Tərtər rayonunda yerləşən hərbi hissənin əsgəri Elman İmanov ölüb. Məlumatda deyilir ki, o, postda olarkən tabeliyində olan avtomat silahdan açılan atəş nəticəsində həlak olub.
Müdafiə Nazirliyinin mətbuat xidməti faktla bağlı araşdırma aparıldığını bildirir.
Qeyd edək ki, son zamanlar Azərbaycanda əsgər ölümlərinin çoxalması insanların etirazına səbəb olub. Yanvar ayının 10-u və mart ayının 12-si "Əsgər ölümləri son!" tələbilə keçirilən etiraz aksiyaları zamanı onlarla insan saxlanıb.
