Amerikanın CNN telekanalı yaxın gələcəkdə Azərbaycanda insan hüquqları sahəsində vəziyyət haqqında xüsusi reportaj nümayiş etdirəcək. Reportajın müəllifi kanalın aparıcı jurnalistlərindən biri olan Kristian Amanpurdur.
Reportaj haqqında video bildirişdə Amanpur arxasında Azərbaycan vətəndaşlarının hüquq və azadlıqlarının pozulması gizlənən Avropa Oyunlarının görünməyən tərəfi, buna etiraz edənlərin taleyi haqqında danışır. Reportajın əsas hissəsi həbs edilmiş jurnalist Xədicə İsmayılova və digər vətəndaş cəmiyyəti fəallarına həsr edilib.
