İyulun 31-də yerli vaxtla saat 17.00 radələrində erməni silahlı bölmələri atəşkəs rejimini növbəti dəfə pozaraq Azərbaycan Ordusunun mövqelərini atəşə tutub. Bu barədə Azərbaycan Müdafiə Nazirliyinin mətbuat xidmətinin məlumatında deyilir.
Mətbuat xidməti bildirir ki, döyüş mövqeyində təhlükəsizlik qaydalarının pozulması nəticəsində Azərbaycan Silahlı Qüvvələrinin müddətdən artıq həqiqi hərbi xidmət hərbi qulluqçusu, əsgər Qaryağdı Əhmədov erməni tərəfinin snayper atəşindən həlak olub.
Ermənistan tərəfi baş verənlərlə bağlı rəsmi məlumat yaymayıb.
Ancaq Ermənistan mətbuatı bu gün cəbhənin şimal hissəsində Azərbaycan Silahlı Qüvvələri tərəfindən iki erməni əsgərinin öldürüldüyü barədə məlumatlar yayıb.
Öz növbəsində Azərbaycan Müdafiə Nazirliyinin mətbuat xidməti Amerikanın Səsinə Ermənistan mediasının məlumatlarını təkzib edib.
