Bu gün dünya xristianları Milad bayramını qeyd edir. Roma Papası Benedikt bu münasibətlə Suriyada qan axıdılmasının dayandırılmasına, Yaxın Şərqdə sülh müzakirələrinin bərpasına çağırıb. Milad müraciəti zamanı papa Şərqi Asiyada daşqınlar və Afrika Buynuzunda aclığın qurbanı olan yüz minlərlə insanın ruhuna dua edilməsinə səsləyib. Roma Papasının müraciətini Vatikanın Müqəddəs Peter meydanına toplaşan on minlərlə zəvvar və turist dinləyib.