Britaniya və Almaniya çərşənbə günü NATO-nun şərq cinahında təlimlər keçirilməsi və Ukraynada müharibənin şiddətləndiyi bir vaxt Avropanın özünümüdafiəsinin təmin edilməsinin vacibliyini vurğulayaraq, müdafiə sazişi imzalayıb.
Britaniya və Almaniyanın bildirdiklərinə görə, bu saziş bugünkü uzaqmənzilli raket sistemlərindən, xüsusən də Britaniyanın Ukraynaya təhvil verdiyi "Storm Shadow"dan daha genişmənzilli və dəqiqliyə malik yeni silahların yaradılmasını nəzərdə tutur.
Britaniyanın müdafiə naziri Con Heyli qeyd edib ki, imzalanmış saziş iki ölkə arasında ilk tammiqyaslı müdafiə sahəsində əməkdaşlığı təmsil edir.
Müqavilənin şərtlərinə əsasən, Almaniya Şimali Atlantik Okeanının müdafiəsinə yardım etmək üçün vaxtaşırı Şotlandiyada təyyarələr yerləşdirəcək. Berlin və London hərbi maşınların və yerüstü pilotsuz uçuş aparatlarının istehsalı sahəsində əməkdaşlıq edəcək, həmçinin Almaniyanın "Sea King" helikopterlərinin (Almaniya Ukraynaya təhvil verdiyi) müasir raket sistemləri ilə təchiz edilməsinə çalışacaq.
"Rheinmetall" şirkəti 400 iş yeri yaradacaq və on il ərzində Britaniyada ilk artilleriya çəlləkləri istehsalçısı olaraq, yeni zavod açacaq.
Heyli avropalı müttəfiqlərin Avropanın təhlükəsizliyi üçün daha çox məsuliyyət götürməli olduqlarını vurğulayıb və Britaniya "NATO-nu birinci yerdə qoymaqda sadiqdir" deyib.
"Daha təhlükəli bir dünyada müttəfiqlər bizim strateji gücümüzdür və biz birlikdə daha çox iş görməliyik"- deyə, britaniyalı nazir bildirib.
Almaniyanın müdafiə naziri Boris Pistorius həm Britaniya, həm də Almaniya ilə ikitərəfli təhlükəsizlik razılaşmaları olan Fransa yeni müqaviləni dəstəkləyib.
O əlavə edib ki, Rusiya 2014-cü ildə Krımı ilhaq edəndə Skandinaviya və Baltikyanı müttəfiqlər həyəcan təbili çalsalar da, Avropanın böyük hissəsi buna ləng reaksiya verib.
Boris Pistorius "Mürgüləmə düyməsini basdıq və üz döndərdik. Lakin digər ölkələr yatmadı. Beləliklə, demək olar ki, səkkiz il itirdik və indi sürətlənmək gərəkdir" deyib.
Forum