Bəhreyn kralı çoxluqda olan şiələrin hökumətə qarşı nümayişlərinə cavab olaraq ölkədə üç aylıq fövqəladə vəziyyət elan edib. Dövlət televiziyasında elan edilən xəbərə əsasən kral Bəhreyn silahlı qüvvələrinin komandanına vəziyyəti stabilləşdirmək üçün bütün lazımi ölçüləri götürməyə əmr verib. Açıqlamanın ardınca paytaxt Manamanın küçələri boş qalıb, bizneslər bağlanıb. Sünnilərin idarə etdiyi Səudiyyə Ərəbistanından 1500 nəfəlik təhlükəsizlik qüvvəsi Birləşmiş Ərəb Əmirlikləri vasitəsilə ölkəyə daxil olub.